He Prabhu! Kaise Likhun!!

Kaise likhun ki, shabd nahi hain mere paas.

Kaise likhun ki, jab aap ka hasta chehra dekhti hu to baki sab bhul jati hun.

Kaise likhun ki, aap ke iss athah prem ko kaise sametu yahi sochti hu.

Kaise likhun ki, Prem ka maarmic artha mujhe abb samajh aaya.

Ki Prem vo hai jo aap ne kiya, ki hamare liye apne shareer ko hi gala diya.

Kaise likhun ki, sochti hu ki, ye kyu samabhav nahi ho pa raha mere liye,

Ki khud ka shareer gala kar aapko punah paa lu!

Kaise likhun ki, ye bheege kagaz bhi sambhal nahi pa rahe inn jhanjhvaaton ko!

Kaise likhun ki, har phaagun aur diwali sune ho gaye hain abb.

kaise likhun ki, aap ka sath paane ki iss hodd me jeet sirf meri hi ho, ye ek aakhri ichha hai meri!

Kaise likhun ki, meri aankhe khulne se le kar band hone tak bas aap ko hi dekhu ye hi ichha hai abb.

Kaise likhun ki, bht kch unkaha reh gaya hamare beech.

kaise likhun ki, bachpan me aapne aur maa ne dur kiya mujhe khud se, par abb na dur hone ki ichha hai meri.

kaise likhun ki, apne har akshamya apradh ke liye kshama maangti hu mai aapse,

Kyunki aapne har baar apne anant prem ki jaladhi me mere har apradh ko kshama kiya hai.

kaise likhun ki, abb ye mann aandhvishwaso me pad kar bhi aap ko pa lene ki zid karta hai.

Kaise likhun ki, abb mai vo manzar dubara nahi dekh sakti, jahan aap jeevan aur apne shareer se sangharshrat hon!

He Prabhu! Kaise Likhun!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.